"EPLEHENTING" PÅ ANDA GARD

Det er her snakk om jordeple, ikkje søteple. Dette føregjekk på fredag, laurdag og sundag, og Klepp Hornmusikk var mest einerådande på faunen. På laurdag var 4/5 av Sveinsvoll Swingers bakpå Super-Faunen, og eplehentinga blei kombinert med litt allsang. Eplehentinga gjekk strykandes, det var bare eit unntak. På Laurdag klokka 13.00 gjekk eplehentaren til Gillen sund. Skjebnen ville at dette skulle skje akkurat då "motorsykkelekspressbudet" Sinclair kom køyrande med Kaffi og Kjeks til eplehentarane. Gillen banna ikkje når epllehentaren gjekk sund, men ryktene vil ha det til at han ringte til Tore i Bodø, for å banne til han. Det var ingen utenom Gillen som såg noko problem i at eplehentaren gjekk sund. Jonny såg sitt snitt til å sykle heim for å hente øl til seg og Ole, og når det var oppdrukke kom Faster med "Mellemad". Alt dette skjedde mens det blei spela AC/DC på radioen. Resten av eplehentinga foregjekk utan vidare viktige hendingar, men for ordens skyld må det nevnast at det nå er teke opp poteter til Syredalen. Og Faster er i gang med si faste oppgåve, vasking og innpakking i sølvpapir.

(28.09.1998 kl 06:00)